用 AI 出內容點解出嚟唔似你？

因為佢多數係翻譯，唔係原生。大部分模型嘅中文語料以普通話為主，你叫佢用廣東話寫，佢通常係先諗普通話再換幾個字——所以句式仍然係普通話語序，仲會漏低「質量」「視頻」「小夥伴」呢啲香港人唔講嘅詞。真正嘅廣東話唔止換字，係換晒個語序同語氣。

唔會，全部喺你部機行。呢個工具冇用 AI、冇 call 任何 server——佢係一個詞庫比對，喺你個瀏覽器入面即時掃你貼低嘅字。你篇文由頭到尾冇離開過你部電腦，我哋收唔到。

唔係，睇你寫緊咩。寫公司通告、報價說明、專業文章，書面語完全正常。但寫 IG caption、WhatsApp、短片口播，書面語會即刻令人覺得「唔似人講嘢」。所以工具將書面語標黃色唔標紅色——係提示，唔係錯誤。

要話俾佢知你係邊個，而且唔好每次重新講一次。你要答得出：賣俾邊個、解決咩問題、同人有咩唔同、把聲係點。呢四樣寫低一次（我哋叫「品牌設定」），之後每次生成自動帶埋落去，唔使每次由零解釋。

睇你用嚟做咩。用 AI 代你諗你唔想諗嘅嘢，讀者會感覺到；用 AI 幫你把已經諗清楚嘅嘢寫快啲、寫一致啲，讀者只會覺得你出貨穩。分別喺你有冇落過腦，唔喺你用唔用工具。

分別喺記憶同一致性。ChatGPT 每開一個新對話就唔記得你係邊個；我哋嘅品牌設定 set 一次，之後出 IG 文案、業務簡報、數字人影片、收客頁全部自動跟返同一把聲。加上原生廣東話同讀音修正詞庫——唔係翻譯出嚟嘅。